Para se të filloni me rimodelimin, me rëndësi është që të vlerësohet nëse hapësira në nënçati është e përshtatshme për qëllimet e vendosjes? Nëse struktura ekzistuese e çatisë ofron hapësirë të mjaftueshme? Nëse nënçatia ka lartësi të mjaftueshme?
Para se të fillohet me rimodelim, është e nevojshme që të planifikohet paraqitja e nënçatisë dhe radhitja e hapësirave. Në këtë fazë, kontaktoni një arkitekt, njohuritë e të cilit mund t’ju ndihmojnë që për t’iu përgjigjur pyetjeve të mëposhtme: Sa hapësira dëshironi dhe mundeni të keni në nënçati? Cila është mundësia e zbatimit të të gjitha instalimeve të nevojshme? Burimi i dritës natyrore – sa dritare dhe si është radhitja e tyre?
Kontrolloni brirët dhe trarët – nëse ato duhet të zëvendësohet me të reja? Mendoni për dimensionet e dritareve që doni ti vendosni – nëse distanca ndërmjet brirëve është e mjaftueshëm ose ka nevojë për tejkalim. Në këtë fazë ju këshillojmë që ta konsultoni një statik.
Gjatë rimodelimit të nënçatisë nuk ka nevojë që gjithmonë të zëvendësohet edhe mbuloja e çatisë, por nëse ajo është vjetruar, tani është mundësia ideale për të kryer punë të këtij lloji.
Muret kryesore në katet e poshtme zakonisht nuk e përcaktojnë pozitën e mureve ndarëse në nënçati, sepse ata mund të jenë struktura ndarëse të lehta me montim të thatë që lirisht janë vendosur në hapësirë.
Gjatë vendosjes së mureve ndarëse, duhet të kryhen edhe instalimet – e ujësjellësit, elektrike, të ngrohjes etj.
