Dritaret jo vetëm që sjellin dritë natyrale në shtëpitë tona, por edhe shtojnë tërheqje estetike dhe funksionalitet në hapësirat e banimit. VELUX, prodhuesi i njohur i këtyre elementeve arkitektonike, ofron produkte me cilësi të lartë të dizajnuara për të përmirësuar ambientin dhe komoditetin e çdo hapësire për vitet në vijim. Megjithatë, për të ruajtur performancën dhe jetëgjatësinë e tyre, kërkohet mirëmbajtja e duhur.
Mos e anashkaloni mirëmbajtjen e rregullt
Kontrolloni rregullisht dritaret tuaja dhe shikoni për shenja dëmtimi, të tilla si çarje, rrjedhje ose akumulim kondensimi. Kontrolloni sipërfaqen e çatisë për mbeturina, të tilla si gjethe, degë ose papastërti, që mund të pengojnë kanalizimet dhe të shkaktojnë grumbullimin e ujit. Ia vlen ta bëni këtë kontroll kur ndryshojnë stinët e vitit dhe pas një shiu ose stuhie të dendur.
Ndiqni procesin e mirëmbajtjes
Lëreni diellin të depërton përmes dritareve të bukura dhe të pastra! Filloni duke hequr çdo mbeturinë të vogël, të tillë si pluhuri, gjethet ose rrjetat e merimangave, nga sipërfaqja e jashtme e dritareve duke përdorur një furçë të butë ose fshesë me korrent me një shtojcë furçesh. Shumica e dritareve të çatisë VELUX mund të rrotullohen, gjë që e bën më të lehtë pastrimin e sipërfaqeve të jashtme gjithashtu. Përgatitni një tretje me sapun të butë ose detergjent dhe ujë në një kovë. Përdorni një sfungjer ose leckë të butë të lagur me ujë me sapun për të pastruar butësisht sipërfaqet e jashtme të xhamit. Shpëlajeni tërësisht me ujë të pastër për të hequr mbetjet e sapunit. Për njollat e forta ose papastërtitë e grumbulluara, mund të përdorni një pastrues jo abraziv të formuluar posaçërisht për sipërfaqe xhami. Shmangni përdorimin e hemikaleve të forta ose materialeve gërryese, pasi ato mund të dëmtojnë xhamin ose kornizën përreth. Përdorni një leckë të pastër dhe të thatë për të fshirë sipërfaqet për të mënjanuar njollat e ujit.
Mirëmbajtja sezonale
Kontrolloni periodikisht vulat dhe gomën rreth dritareve për t’u siguruar që ato janë të paprekura dhe pa dëmtime. Kontrolloni për shenja të depërtimit të ujit ose rrjedhjes së ajrit rreth kornizës dhe rimbyllni nëse është e nevojshme me izolues ose mbyllës rezistent ndaj ndikimeve atmosferike. Kontrolloni që menteshat, dorezat dhe pjesët e tjera lëvizëse të dritares të funksionojnë pa probleme. Shtoni një sasi të vogël lubrifikanti me bazë silikoni në menteshat dhe pjesët lëvizëse sipas nevojës për të siguruar hapje dhe mbyllje të pandërpreprë.
Pastrimi dhe mirëmbajtja e duhur janë thelbësore për të ruajtur bukurinë dhe funksionalitetin e dritareve tuaja të çatisë VELUX. Duke ndjekur rregullisht këto hapa të thjeshtë, mund të siguroheni që dritaret tuaja të mbeten në gjendje optimale, duke ju siguruar dritë natyrale dhe ajrosje për vitet e ardhshme. Mos harroni të përdorni gjithmonë metoda të buta pastrimi dhe shmangni hemikalet e forta ose materialet abrazive që mund të dëmtojnë xhamin ose kornizën. Me kujdesin e duhur, dritaret tuaja të çatisë VELUX do të vazhdojnë të përmirësojnë ambientin dhe komoditetin e shtëpisë tuaj për shumë vite.
