• Si kursimi të mos mbetet thjeshtë një fjalë e bukur në bisedat e përditshme

Ne flasim për kursim çdo ditë. Nga bisedat familjare dhe afariste, madje edhe kur heshtim, media na bombardojnë me atë nocion. Pavarsisht se aq shumë po flitet, na duket më e largët ideja për të kursyer se sa e kemi planifikuar.

Gjëja më e rëndësishme që duhet ta kuptojmë është se energjia e nxehtësisë kryesisht na ik përmes fasadës dhe mureve të jashtme, çatisë, dritareve dhe dyshemesë. Me izolim të mirë, kostot e energjisë së shtëpisë tuaj do të zvogëlohen, gjë që do ta ndjeni kur të mbërrijë sezoni i ngrohjes, i cili zakonisht është fajtor për faturat e larta. Në të vërtetë nuk është faji i sezonit, por i mosgatishmërisë sonë për ta pritur. Për ta parandaluar këtë, le të hedhim një vështrim në papafingo sot dhe të shohim se çfarë mund të fitojmë nga izolimi i mirë, sa do të zvogëlohet konsumi i energjisë, dhe maksimisht të shfrytëzohet potenciali i hapësirës, si dhe të mbrojmë mjedisin.

Çatia

Një nga fajtorët kryesorë që nxehtësia e dimrit ik nga shtëpia është çatia. Kulmet e mbrojtura nga nxehtësia rrisin temperaturën e çatisë nga 6 deri në 8 gradë celsius, që do të thotë temperaturë më të lartë në hapësirë, më pak ngrohje dhe fatura më të ulëta. Përveç kësaj, tjegullat që përdoren për izolim rrisin minimalisht trashësinë e çatisë dhe rrisin rezistencën ndaj lagështirës, nxehtësisë dhe izolimin e zërit.

Fasada dhe muret e jashtme

Nëse keni izolim termik adekuat në muret e fasadës, nxehtësia dimrit do të qëndrojë në shtëpinë tuaj dhe do të ulet në verë, dmth shtëpia do të jetë më e ftohtë. Përveç kësaj, izolimi i mirë do të mbrojë shtëpinë nga lagështia. Ne duhet ta mbajmë në mendje këtë informacion pasi 30% e energjisë kalon në pjesën e mureve të jashtëm dhe fasadës. Sa më e madhe të jetë trashësia e këtij izolimi, aq më i madh është kursimi i energjisë, që do të thotë se izolimi i mureve të jashtëm është një investim i mençur dhe afatgjatë që mund ta bëni.

Dyshemeja

Nëse keni vendosur të përdorni energji me mençuri në papafingo, është mirë të dini se izolimi është një hap i domosdoshëm për arritjen e këtij qëllimi. Sigurisht, është gjithashtu e nevojshme të mos harrojmë edhe kostot e tilla si dekorimi i dyshemesë me qilima që ruajnë nxehtësinë në dimër dhe gjatë verës është e dëshirueshme t’i hiqni dhe ulni temperaturën e ambientit. Një dysheme e izoluar mirë do të rrisë gjithashtu izolimin e zërit.

Dera dhe dritaret

Ju ndoshta nuk e keni ditur, kështu që ne do të ndajmë këtë informacion të rëndësishëm me ju: afërsisht 20% e energjisë “rrjedh” përmes dyerës dhe dritareve, dhe kur bëhet fjalë për papafingo, kjo përqindje nuk mund të matet sepse cilësia e dobët sjell komplikime të tjera që nuk lidhen drejtpërdrejt me nxehtësinë, por ato kanë të bëjnë me problemet e tjera që natyrisht vjedhin energjinë – edhe për ngrohje edhe për jetë (vetëm do ta përmend fjalën lagështi).

Dritaret cilësore dhe të pajisura mirë do të ndihmojnë në mbajtjen e nxehtësisë në shtëpi më gjatë, pa marrë parasysh sa është- në dimër më e lartë, në verë më e ulët. Nëse merrni parasysh të gjithë këta faktorë që prekin çdo pjesë të shtëpisë tuaj, në përgjithësi, izolimi adekuat në papafingo mund të zvogëlojë konsumin e energjisë midis 20% dhe 50% në vit, gjë që do të reflektohet drejtpërdrejt në faturën e reduktuar të energjisë elektrike. Me fjalë të tjera, është e mundur të kurseni gjysmën e asaj që shpenzoni tani, me kusht që të kryeni izolimin në mënyrë të duhur.

Nëse i marrim këto shifra si një indikator, do të konkludojmë se investimi në izolim të mirë është padyshim i vlefshëm, përveç që keni përfitim personal, izolim të mirë dhe kursim të energjisë, izolimi poashtu kontribon në një mjedis të shëndetshëm dhe të pastër.

Shndërroni hapësirën e pashfrytëzuar të nënçatisë në hapësirë për qëndrim të rehatshëm ditor!

ose

Shikoni këshillat e tjera për nënçatinë tuaj

IZOLIMI

DRITARET

GJIPS

Shndërroni hapësirën e pashfrytëzuar të nënçatisë në hapësirë për qëndrim të rehatshëm ditor!

ose

© Të gjitha të drejtat janë të rezervuara. Papafingojaime.al 2017-2020. Zhvilluar nga My Marketing